ట్రెండింగ్

NTRNeel మూవీ టైటిల్‌కి లీగల్ సమస్యలు! ఆ కుర్ర డైరెక్టర్ కారణంగా పవర్‌ఫుల్ టైటిల్ మిస్ అయ్యిందే..

‘దేవర’ బ్లాక్ బస్టర్ సక్సెస్ తర్వాత ఎన్.టీ.ఆర్, ప్రశాంత్ నీల్ దర్శకత్వంలో సినిమాని స్టార్ట్ చేశాడు.. అనౌన్స్‌మెంట్ నుంచే ఈ మూవీపై భారీ అంచనాలు ఏర్పడ్డాయి. ‘కే.జీ.ఎఫ్’, ‘సలార్’ వంటి పాన్ ఇండియా సెన్సేషన్స్ తర్వాత ప్రశాంత్ నీల్ డైరెక్షన్‌లో తెరకెక్కుతున్న సినిమా ఇది. మరో వైపు తారక్, వరుస హిట్లతో సూపర్ ఫామ్‌లో ఉన్నాడు. ఎన్.టీఆర్, ప్రశాంత్ నీల్ ప్రాజెక్ట్‌కి ‘డ్రాగన్’ అనే టైటిల్ ప్రచారంలో ఉంది... అయితే ఇప్పుడు ఈ మూవీ టైటిల్‌ లీగల్ చిక్కుల్లో ఇరుక్కున్నట్టు సమాచారం..

Jr NTR-Prashanth Neel's Dragon

Jr NTR-Prashanth Neel's Dragon

Photo : Twitter
ఎన్టీఆర్- ప్రశాంత్ నీల్ ప్రాజెక్ట్ పాన్ ఇండియా లెవెల్‌లో ఐదు భాషల్లో ఒకేసారి రిలీజ్ కానుంది. తెలుగు, తమిళ్, మలయాళ, కన్నడ, హిందీ భాషల్లో రిలీజ్ కాబోతున్న #NTRNeel ప్రాజెక్ట్‌కి అన్ని భాషల్లో ఒకే టైటిల్ ఉండేలా పెట్టాలని అనుకుంటున్నారు... తమిళ్‌లో ‘డ్రాగన్’ పేరు రిజిస్టర్ కావడంతో లీగల్ సమస్యలు తలెత్తాయి..
డైరెక్టర్ ప్రదీప్ రంగనాథన్ హీరోగా ‘డ్రాగన్’ మూవీ, 2025, ఫిబ్రవరి 21న రిలీజ్ అయ్యింది. తెలుగులో ఈ మూవీని ‘రిటర్న్ ఆఫ్ ది డ్రాగన్’ అనే పేరుతో డబ్ చేశారు. తెలుగులో కూడా ‘రిటర్న్ ఆఫ్ ది డ్రాగన్’ మూవీ మంచి బాక్సాఫీస్ విజయం అందుకుంది.. అనుపమ పరమేశ్వరన్, కయాదు లోహర్ హీరోయిన్లుగా నటించిన ‘డ్రాగన్’ మూవీ కారణంగా #NTRNeel ప్రాజెక్ట్‌కి లీగల్ సమస్యలు వచ్చినట్టు సమాచారం..
దీంతో ఇప్పుడు NTR-Neel ప్రాజెక్ట్ కోసం కొత్త టైటిల్ వెతికే పనిలో పడింది చిత్ర యూనిట్.. ఇప్పటికే ఈ మూవీ ఫస్ట్ షెడ్యూల్ షూటింగ్ పూర్తి చేసుకుంది. త్వరలో రెండో షెడ్యూల్ సెట్స్ మీదకి వెళ్లనుంది. ఈ మూవీలో హీరోయిన్‌గా రుక్మిణి వసంత్ నటిస్తోంది.
ప్రశాంత్ నీల్‌తో మూవీ కంటే ముందు ‘వార్ 2’ మూవీని రిలీజ్ చేయబోతున్నాడు ఎన్. టీ.ఆర్.. బాలీవుడ్ హీరో హృతిక్ రోషన్‌, ఎన్టీఆర్ కలిసి నటించిన ‘వార్ 2’ మూవీ, ఆగస్టు 14న విడుదల అవుతోంది. ‘వార్ 2’ మూవీని తెలుగుతో పాటు తమిళ్, హిందీ భాషల్లో రిలీజ్ చేయబోతున్నారు...
తాజా వార్తలు
Ramu Chinthakindhi author

Chinthakindhi Ramu is Chief-copy Editor in Times Now Telugu. He have 10 year wise Experience in Telugu Journalism, Content Creation and Story writing....మరిన్ని చూడండి

ఆర్టికల్ ముగింపు
Subscribe to our daily Entertainment Newsletter!
తాజా వార్తలు