ట్రెండింగ్

OTTలోకి వచ్చేస్తున్న మలయాళ యూత్‌ఫుల్ స్పోర్ట్స్ డ్రామా ‘అలప్పుళ జింఖానా’... స్ట్రీమింగ్ ఎప్పుడంటే..

‘ప్రేమలు’ మూవీతో తెలుగులో మంచి ఫాలోయింగ్ తెచ్చుకున్నాడు మలయాళ యువ నటుడు నస్లెన్.. నస్లెన్ ప్రధాన పాత్రలో నటించిన ‘అలప్పుళ జింఖానా’ మూవీ కూడా తెలుగులో మంచి సక్సెస్ అందుకుంది. ఈ మూవీ తెలుగు ప్రమోషన్స్ కోసం నస్లెన్, తన టీమ్.. హైదరాబాద్‌కి కూడా వచ్చారు. థియేటర్లలో రూ.65 కోట్లకు పైగా వసూళ్లు సాధించి, బ్లాక్ బస్టర్ విజయాన్ని అందుకున్న ‘అలప్పుళ జింఖానా’ మూవీ, ఓటీటీలోకి రానుంది. జూన్ 13 నుంచి సోనీ లివ్ యాప్‌లో తెలుగు, తమిళ్, కన్నడ, హిందీ, మలయాల భాషల్లో స్ట్రీమింగ్ కానుంది ‘అలప్పుళ జింఖానా’..

Boxing Drama Alappuzha Gymkhana Gets OTT Release Date

Boxing Drama Alappuzha Gymkhana Gets OTT Release Date

Photo : YouTube
ఏంటి ‘అలప్పుళ జింఖానా’ కథ..
కాలేజ్ స్టూడెంట్ అయిన జోజో జాన్సన్ (నస్లెన్), తనకి నచ్చిన కాలేజీలో సీట్ రావాలంటే స్పోర్ట్స్ కోటా ఒక్కటే దారి అని ఫిక్స్ అవుతాడు. దీని కోసం బాక్సింగ్‌లో చేరతాడు. కాలేజ్ సీటు కోసం బాక్సింగ్ నేర్చుకోవాలనుకున్న జోజో జాన్సన్‌ జీవితం, కోచ్ ఆంటోనీ జోషువా పరిచయం తర్వాత పూర్తిగా మారిపోతుంది. బాక్సింగ్‌ని సీరియస్ తీసుకుని, బాక్సర్‌గా మారాలని అనుకుంటాడు. మరి అతని ప్రయత్నం ఫలించిందా? అతని ప్రయత్నంలో ఎదురైన ఇబ్బందులు, కష్టాలను అతను ఎలా అధిగమించాడు? తెలుసుకోవాలంటే ‘అలప్పుళ జింఖానా’ మూవీని చూడాల్సిందే..
‘అలప్పుళ జింఖానా’ మూవీ, మనకి తెలుగులో వచ్చిన ‘తమ్ముడు’ మూవీని గుర్తుకు తెస్తుంది. అయితే 26 ఏళ్ల క్రితం వచ్చిన ‘తమ్ముడు’ మూవీ, అప్పటి యూత్‌కి కనెక్ట్ అయితే.. నేటి తరానికి కనెక్ట్ అయ్యే ఎమోషన్స్‌తో తెరకెక్కింది ‘అలప్పుళ జింఖానా’ మూవీ..
‘తుల్లుమాల’ మూవీతో యూత్‌ని షేక్ చేసిన ఖలీద్ రెహ్మాన్, ‘అలప్పుళ జింఖానా’ మూవీకి డైరెక్టర్. నస్లెన్‌తో పాటు లుక్‌మాన్ అవరాన్, గణపతి ఎస్ పోడువాల్, సందీప్ ప్రదీప్, బేబీ జీన్ వంటి నటీనటులు ఈ మూవీలో నటించారు. యూత్‌ఫుల్ కామెడీతో నవ్విస్తూ, యువతరానికి అవసరమైన ఆత్మవిశ్వాసాన్ని పెంచేలా, జీవిత సత్యాలను నేర్పిస్తుంది ‘అలప్పుళ జింఖానా’ మూవీ.. ‘ప్రేమలు’ వంటి యూత్‌ఫుల్ లవ్ స్టోరీస్ ఇష్టపడినవారికి ఈ యూత్‌ఫుల్ స్పోర్ట్స్ డ్రామా ‘అలప్పుళ జింఖానా’ కూడా కచ్చితంగా నచ్చుతుంది. ‘అలప్పుళ జింఖానా’ మూవీ, జూన్ 13న సోనీ లివ్ ఓటీటీ యాప్‌లో స్ట్రీమింగ్ కానుంది..
తాజా వార్తలు
Ramu Chinthakindhi author

Chinthakindhi Ramu is Chief-copy Editor in Times Now Telugu. He have 10 year wise Experience in Telugu Journalism, Content Creation and Story writing....మరిన్ని చూడండి

ఆర్టికల్ ముగింపు
Subscribe to our daily Entertainment Newsletter!
తాజా వార్తలు